Бүгүнкү күнгө карата каза болгон 21 медициналык кызматкердин үй-бүлөсүнүн ар бирине 1 миллион сомдон төлөндү. Бул тууралуу Саламаттыкты сактоо министрлигинин Коомдук саламаттыкты сактоо департаментинин башчысы Айнура Акматова билдирди.
Анын айтымында, медициналык кызматкерлерге жана коронавирус илдетинен каза болгондордун үй-бүлөлөрүнө компенсациялык төлөмдөр уланып жатат.
"11-сентябрга карата 144 медицина кызматкерлерине 200 миң сомдон жана 21 үй-бүлөгө ар бирине 1 миллион сомдон төлөндү", - деди Айнура Акматова.
Белгилей кетсек, өкмөттүн токтомуна ылайык, эпидемиялык очокто кызмат учурунда турган COVID-19 оорусун жуктурган медицина кызматкерлери жана инфекциянын кесепетинен каза болгон медициналык кызматкерлердин үй-бүлөлөрү бир жолку компенсация алууга укуктуу.
Пикирлер (0)
Пикир жок. Сиз биринчилерден болушуңуз мүмкүн