Англиянын түштүк-чыгышында пайда болгон жаңы коронавирус штаммы SARS-CoV-2 келерки жылы ооруканага жаткырылуулардын жана COVID-19дан каза болгондордун көбөйүшүнө алып келет. Мындай тыянакка Лондондогу гигиена жана тропикалык медицина мектебинин Инфекциялык ооруларды математикалык моделдөө борборунун окумуштуулары келишкенин ЖМКлар жазып чыгышты.
Phys.org сайтында жарыяланган изилдөөдө жаңы штамм жугуштуу болушу мүмкүн, анткени ал SARS-CoV-2нин башка түрлөрүн тез алмаштырат жана оорунун күчөшүнө, саламаттыкты сактоо тутумуна оорчулуктун көбөйүшүнө жана өлүмдүн жогорку деңгээлине алып келет.
Изилдөөчүлөр белгилегендей, эгерде билим берүү мекемелери жабылбаса, аймактык чектөөлөр COVID-19дун жайылышына тоскоол боло албайт.
Учурда британиялык штамм Германияда, Швейцарияда, Данияда, Австралияда, Голландияда, Японияда жана Түштүк Кореяда катталган.
Пикирлер (0)
Пикир жок. Сиз биринчилерден болушуңуз мүмкүн