Кошоматчы өмүр бою жалган менен эки жүздүүлүккө кул болуп өтөт

Бирөө менен көзмө-көз сүйлөшүп жатканда этикет боюнча чыныгы жүзүңдү көрсөтүүгө тийишсиң.

(“Наруто” мультфильминен)

Эгер адам ачууланып кетсе, демек, эки жүздүү экен.

(Девид Митчелл)

Кимдир бирөөнүн жардамы керек болгондо, биз анын айыбын аябай оңой кечиребиз.

(Чарльз Паллисер)

Кош стандарттуулук болбогон учурда элдин баарынын уят-сыйыты окшош. Кош стандарттуулук башталган жерде уят жок.

(Евгений Антонюк)

Мен ар бир адамдын эки жүзү болот деп эсептейм. Бирок, биз көп учурда анын бир жак бетин гана көрөбүз.

(Анна Джейн)

Жакшы адам эч качан эки жүздүү болбойт. Чыныгы достор өзгөчө.

(Нора Шарифф)

Боорукерлик дайыма эки жүздүү болот. Өзгөчө согуш учурунда.

(Виктор Астафьев)

Биз баарыбыз эки жүздүүбүз: улуулар да, кичүүлөр да.

(Айшек Норам)

Кайсы элдин журтуна барсаң, ошол жердин топусун кийесиң.

(Евгений Антонюк)

Кошоматчы өмүр бою жалган менен эки жүздүүлүккө кул болуп өтөт.

(Петр Квятковский)

Мен силер ойлогон киши эмесмин.

(Уильям Шекспир)

Чындыктардын арасына кошулуп калган бир эле калп алардын баарын күмөндүү кылып коёт.

(Пьер Буаст)

Врач адамдын бүт ооруларын, юрист бүт арамдыктарын, теолог болсо бүт келесоолуктарын көрөт.

(Артур Шопенгауэр)

Чындык керемет экени шексиз, бирок жалган деле ошондой.

(Ральф Уолдо Эмерсон)

Момундук көп учурда чүмбөттөлгөн коркоктук менен жалкоолук болуп чыгат.

(Софья Сегюр)

Сыпайылык – эки жүздүүлүктүн эң жагымдуу түрү.

(Амброз Гвинет Бирс)

Жалгыз гана ыймандуулук бар – ал чындык, бир гана ыймансыздык бар – ал калп.

(Эрнст Фейхтерслебен)

Алданып калбаш үчүн эч качан аялуу сырыңды досторуңа айтпа.

(Франсуа де Ларошфуко)

Унчукпоо чүмбөттөлгөн калп болушу мүмкүн. Эң жаман калп көп учурда унчукпай айтылат.

(Роберт Стивенсон)

Эң жаман калп – бул бир аз бурмаланган чындык.

(Георг Кристоф Лихтенберг)

Саясат жалганды чын, чынды жалган кылып көрсөтөт.

(Пьер Буаст)

Калпты дайыма куулук коштоп жүрөт.

(Джон Локк)

Эки жүздүүлүк – бул өзүң жек көргөн адамга комплимент айтуу.

(Эмброуз Бирс)

Эки жүздүү кишилер мукабасы кооз китепке окшош: ичи кандай экенин дегеле билбейсиң.

(Люпка Цветанова)

Эң кооптуу душман – бул жалган дос.

(Сократ)

Маскарад ар ким өзүнүн жүзүн көрсөтсүн үчүн уюштурулат.

(Иван Иванюк)

Эки жүздүү киши бетин жоготуп алгандан коркпойт.

(Ашот Наданян)

Адам күнөө кылганда жашыруун кылып, уялганда ачык уялат.

(Сергей Малёшин)

Эки жүздүүнүн жүзү гана эмес, колу да экөө.

(Дмитрий Семенихин)

Желкеге келиштире бир койгондо ар кандай беткап ыргып кетет.

(Илья Родионов)

Бир бети сулуу болсо деле эки жүздүүлүктүн түрү суук. 

(Вадим Синявский)

Эки бети бар кишиге эки жүздүүлүк куп жарашат.

(Дмитрий Семенихин)

Эки жүздүү досуң болгончо жалгыз жүргөн артык.

(Артур Полетаев)

Ким менен дос болгуң келерин айтсаң, мен сенин ким экениңди айтып берем.

(Юрий Сережкин)

Мен эки жүздүүлүккө каршымын: жаныбарларды жакшы көрсөң, алардын этин жебе, жесең, “жакшы көрөм” деп айтпа.

(Андрей Лошак)

Жылмаюу деле азууңду көрсөтүүнүн бир ыкмасы.

(Белгисиз автор)

Мен бир аял шишкебек жеп жатканын көрдүм. Ал аял койду союп жатканда карай албайт. Мен муну эки жүздүүлүк деп эсептейм.

(Михаил Задорнов)

Эки жүздүүлүк куник болгону менен фотогеничный.

(Геннадий Москвин)

Ковид эки жүздүүлөрдү чыгымга дуушар кылды – эми алар эки беткап тагынганга туура келет.

(Владимир Кафанов)

Эки жүздүүлүк театрда эле жакшы.

(Валерий Красовский)

Изин жашырыш керек болгондо адам деле куйругун шыйпаңдатат.

(Александр Минченков)

Мамат Сабыров

Булак:  "Азия Ньюс" гезити