"Биздин маалыматыбыз боюнча, күйүүчү-майлоочу майдын баасы дагы 6-7 сомго көтөрүлүшү күтүлүүдө”, - деди Энергетика жана өнөр жай министринин орун басары Айтмамат Кадырбаев ЖКнын Отун-энергетикалык комплекси жана жер казынасын пайдалануу боюнча комитетинин жыйынында.
Буга чейин депутат Кожобек Рыспаев өткөн жылы Казакстандан күйүүчү-майлоочу майлар импорттолуп жатканда, Кыргызстанда баалар төмөндөгөнүн айтты. Бул багытта келишимдерди түзүү боюнча иштер жүрүп жатабы деп сурады.
"Казакстан 2020-жылдын 3-августунда алымды жокко чыгарып, аны 2020-жылдын 25-декабрында кайра киргизген, ошондуктан бүгүнкү күндө күйүүчү-майлоочу затты Казакстандан ташып келүү пайдалуу эмес", деди А.Кадырбаев.
"Күйүүчү-майлоочу майлардын баасы күн сайын 50 тыйынга көтөрүлүп жатат",- деп кошумчалады депутат.
Пикирлер (0)
Пикир жок. Сиз биринчилерден болушуңуз мүмкүн