Күзүндө Орусиянын президенти Владимир Путиндин Кыргызстанга сапарынын алдында аймактар аралык кыргыз-орус конференциясын өткөрүү пландалууда. Бул тууралуу бүгүн брифингде Экономика жана коммерция министрлигинин тышкы байланыштар бөлүмүнүн башчысы Асел Бегматова билдирди.
Анын айтымында, конференция Жалал-Абадда өтөт. Негизги тема өндүрүштүк кооперация болмокчу. Амбициялуу программа ишке ашырылып жатат. Иш-чаранын катышуучуларынын облустун бир катар өнөр жай ишканаларына, анын ичинде Майлуу-Суу электр лампа заводуна жана «Кыргызнефтегаз» ААКсына сапарын уюштуруу пландалууда.
”Мындан тышкары, Кыргыз Республикасы менен Россия Федерациясынын ортосунда тогуз мектеп куруу боюнча келишим бар. Конференциянын алкагында долбоордун алкагындагы билим берүү мекемелеринин биринин пайдубалына салтанаттуу капсула салуу аземи болору күтүлүүдө. Мындан тышкары Кыргызстан менен Россиянын аймактарынын ортосунда достук паркын ачуу пландалууда”, - дейт Асел Бегматова.
Пикирлер (0)
Пикир жок. Сиз биринчилерден болушуңуз мүмкүн