Лейлек чек ара отрядынын чек арачылары аткезчилик жүктү токтотушту. Бул тууралуу КР УКМК Чек ара кызматынын Коомчулук жана ЖМК менен байланыш бөлүмү билдирди.
Баткен облусунун Лейлек районунун Кулунду айыл өкмөтүнүн Кольцо айылынын аймагында чек арачылар Кыргыз Республикасынын жарандары Н.К. жана К.А.нын башкаруусундагы Мерседес-Спринтер үлгүсүндөгү эки унааны кармашты. Алар өткөрүү пунктунан тышкары Тажикстандан Кыргызстанга эл керектөөчү товарларды, жашылча-жемиштерди мыйзамсыз алып өтүүгө аракет кылган.
Кармалган жүктүн көлөмү болжол менен 5 тоннаны түзгөн. Алдын ала маалыматтар боюнча, контрабандалык продукциянын жалпы наркы 530 миң сомдон ашык сумманы түзгөн.
Пикирлер (0)
Пикир жок. Сиз биринчилерден болушуңуз мүмкүн