Өлкөдө коронавирус инфекциясын аныктоо үчүн колдонулган ПЦР-тесттер 85-90%га так жыйынтык берүүдө. Бул тууралуу Саламаттыкты сактоо министрлигинин ооруларды алдын алуу жана санитардык-эпидемиологиялык көзөмөл департаментинин лабораториялык сыноолор борборунун башчысы Айгүл Жумаканова билдирди.
Анын айтымында, Кыргызстанда колдонулуп жаткан ПЦР-тесттердин сапатына Улуу Британиянын Лондон шаарындагы адистер жогорку баа беришкен.
"Биз 2020-жылы март айында Дүйнөлүк Саламаттык сактоо уюмунун Лондон шаарындагы референс-лабораториясына коронавирус инфекциясы боюнча терс жыйынтык көрсөткөн ПЦР-тесттерди жөнөткөнбүз. Алар Кыргызстанда колдонулган ПЦР-тесттер 85-90 пайызга так жыйынтык көрсөтөт деген бүтүм чыгарып беришти”, - деди ал.
Өз сөзүндө Айгүл Жумаканова республика боюнча жалпысынан 12 мамлекеттик, 1 жеке лаборатория иштеп жатканын кошумчалады.
Пикирлер (0)
Пикир жок. Сиз биринчилерден болушуңуз мүмкүн