Маданий, маалыматтык кызматташуу. Жапаров менен Рахмон бир нече келишимдерге кол койду

Президент Садыр Жапаров менен Тажикстандын Президенти Эмомали Рахмон Биргелешкен билдирүү кабыл алышты.

Мындан тышкары, төмөнкү документтерге кол коюлду:

Кыргыз Республикасынын Саламаттык сактоо жана социалдык өнүктүрүү министрлиги менен Тажикстан Республикасынын Өкмөтүнө караштуу Социалдык камсыздандыруу жана пенсия боюнча агенттигинин ортосунда пенсия менен камсыз кылуу жана социалдык камсыздандыруу жаатында кызматташуу жөнүндө макулдашуу;

Кыргыз Республикасынын Мамлекеттик кадр кызматы менен Тажикстан Республикасынын Президентине караштуу Мамлекеттик кызмат агенттигинин ортосунда мамлекеттик кызмат чөйрөсүндө кызматташуу жөнүндө меморандум;

Кыргыз Республикасынын Маданият, маалымат, спорт жана жаштар саясаты министрлиги менен Тажикстан Республикасынын Өкмөтүнө караштуу Жаштар иштери жана спорт комитетинин ортосунда жаштар саясаты жаатында кызматташуу жөнүндө меморандум;

"Кабар" Кыргыз клуттук маалымат агенттиги менен Тажикстандын "Ховар" улуттук маалымат агенттигинин ортосунда кызматташуу жөнүндө меморандум.