Форма №2 жок экенин эл билиши керек. Мындай пикирин вице-премьер-министр Максат Мамытканов брифингде билдирди.
Анын айтымында, облустук штаб учурунда бир катар көйгөйлөр, анын ичинде маалыматтын жетишсиздиги көйгөйү жаралган.
«Шайлоону ачык-айкын өткөрүү үчүн БШК саясий чечим кабыл алды.Бул жолу форма №2 колдонулбайт. Жарандар катталган жери боюнча тизмеге киргизилет. Көптөгөн тургундар катталган жеринде жашашпайт жана көптөгөн суроолор алар тарабынан пайда болду», - деди Мамытканов.
Эми анын айтымында, форма №2 жоктугуна байланыштуу, жарандар шайлоо укугун ишке ашыруу үчүн паспорт менен келип, шайлоо участкаларына каттоодон өтүшү керек.
“Акыркы шайлоолордо эң чоң мыйзам бузуулар форма-2ге байланыштуу болуп, жарандардын нааразычылыгын жараткан. Бул шайлоодо мурдагыдай жаңылыштык болбойт", - деди Мамытканов.
Ал Кыргызстанда жашаган жери боюнча 3 миллион 778 миң 151 адам каттоодо тургандыгын, анын ичинен 3 миллион 544 миң 503 адам шайлоочулардын тизмесине киргизилгендигин кошумчалады.
Пикирлер (1)