"Жергиликтүү турак жай" программасы бардык калкка жеткиликтүү болушу үчүн коммерциялык банктардан мамлекеттик банктарга өткөрүү керек. Мындай пикирин активист Сатыбалды Ибраимов жазып чыкты.
Азыркы учурда бюджеттик кызматкерлер төлөп жаткан ипотеканын манжалары:
Минфинге - 1%;
Коммерциялык банктарга - 4%;
МИК(ГИК)ке - 1-3%
бөлүнгөндүктөн жылдык 6-8% чыгып жатат.
Айлык акылары аз болгон бюджеттик кызматкерлер өздөрүнүн ипотекалык кредиттерин 4%га түшүрүп берүүнү суранышып бийликтин бардык бутактарына кайрылуу жолдошкон болчу. Бирок андан эч кандай жыйынтык азыркы күнгө чейин жок болууда. Баары эле МИКке жолдошуп ошол жакка кайрылгыла дешет, ал эми МИКтин жообу мындай болууда:
"Жылдык пайызды 6дан ылдый түшүрө албайбыз. Ортомчу банктарсыз жалаң өзүбүз бере турган болсок анда 10%га чейин чыгып кетет. Анткени бардык региондордо филиалдарыбыз жок болгондуктан, коммерциялык банктар аркылуу берүүгө мажбур болуп жатабыз" деп узатып коюшууда.
Эми сунуш мындай:
Жогоруда айтылган ортомчу коммерциялык банктардын 4% маржасын 2%га түшүрүү керек.
Бул коммерциялык банктар өздөрүнүн 1 сом акчасын кошпой туруп 15 жыл бою 4% маржага отургандары адилеттүү эмес. Эгер коммерциялык банктар буга макул болбосо, анда Өкмөттүн бул "Жеткиликтүү турак жай" программасын мамлекеттик банктар аркылуу берүүгө милдеттендирсе болот. Ошондо пайыздык ченди 4-6%га түшүрсө болот.
Төмөнкү банктардагы мамлекеттин үлүшү:
РСК - 100%;
Айыл банк -100%;
Керемет банк - 97%;
Евразиялык банк - 56%;
КИКБ(KICB) - 10%.
Аты айтып тургандай "Жеткиликтүү турак жай" программасы баарына жеткиликтүү болушу үчүн жогорудагы айтылган мамлекеттик банктар аркылуу бердирип, МИКте иштеген кызматкерлерди оптимизация кылып, 120'000 сомго чейин алган айлыктарын кыскартып, пайыздык ченди 4кө чейин түшүрсө, миңдеген адамдарыбыз үйлүү болуп калышат эле.
Эгерде сиз дагы мамлекеттик ипотека алган болсоңуз төмөнкү ссылка менен мамлекеттик ипотека алган жарандардын телеграм группасына кошулсаңыз болот:
https://t.me/joinchat/Tymk7BFcEhetW0LudXCJmA
Пикирлер (7)