Мас абалында 49 жаштагы аялды өлтүргөн жаран кармалды

6-сентябрда киши өлтүрүүгө шектүү жаран Октябрь райондук милициясы тарабынан кармалды. Бул тууралуу мекеменин басма сөз кызматы билдирди.

Маалыматка ылайык, 3-сентябрда Көк-Жар конушунда күч менен өлтүрүлгөн аял тууралуу милицияга маалымат түшкөн.

Ыкчам чара көрүү үчүн милиция кызматкерлери окуя болгон жерге барган. Күч менен өлтүрүлгөн аял 1972-жылы төрөлгөн М.З. болуп чыккан.

6-сентябрда аялды өлтүрүүгө шектүү катары 1991-жылы туулган И.Э. аттуу жаранды кармаган. Ал күнөөсүн мойнуна алып, ал күнү мас болгонун жана аял менен жаңжалдашып кеткенден кийин мойнуна урган.

Аял ошол жерде жан берген.