Мас абалындагы 23 жаштагы бала 9-кабаттан өзүн таштоого аракет кылды

Мас абалындагы 23 жаштагы бала 9-кабаттан өзүн таштоого аракет кылды. Бул тууралуу ӨКМнын басма сөз кызматы билдирди.

Чүй облусунун Токмок шаарында Жантаев көчөсүндө жайгашкан 9 кабаттуу турак үйдөн (толук курулуп бүтө элек) 1998-жылы туулган О.Д. аттуу эркек киши секирип өз өмүрүн кыюуга аракет кылып жаткандыгы тууралуу маалымат түшкөн. Жерине Токмок шаардык №21 ӨККБдан 3 куткаруучу, ИИМ жана тез жардам кызматкерлери тартылган. 

Куткаруучулар секирем деген жаранды кармап калып, ылдый түшүрүшүп, ИИМ кызматкерлерине өткөрүп беришти. Өз жанын кыюуга аракет кылган жаран мас абалында экендиги аныкталган.