24-май күнү Бириккен Араб Эмиратынын Саламаттыкты сактоо министрлиги өлкөдө маймыл чечеги инфекциясынын алгачкы учуру катталганын билдирди. Бул тууралуу РИА Новости агенттиги кабарлады.
Маалыматка ылайык, маймыл чечеги аныкталган 29 жаштагы БАЭнин жараны Батыш Африка өлкөсүнөн келген.
Ал карантинге алынып, дарыгерлер тарабынан тиешелүү кызматтар көрсөтүлүп жатканы айтылат.
Муну менен БАЭ Азиядагы маймыл чечеги катталган алгачкы өлкө болуп калды.
Эске салсак, Дүйнөлүк саламаттыкты сактоо уюму буга чейин маймыл чечегинин 100дөн ашык учуру катталганын билдирген.
Пикирлер (0)
Пикир жок. Сиз биринчилерден болушуңуз мүмкүн