Медиктердин кезектеги тобу Ысык-Көлгө эс алууга жөнөтүлдү

Саламаттык сактоо министрлиги медиктердин кезектеги тобун Ысык-Көлгө эс алууга жиберди. Бул тууралуу министрликтин басма сөз кызматы билдирди. 

Маалыматка караганда, 10-сентябрда 186 кишиден турган медицина кызматкерлеринин кезектеги тобу эс алып, ден соолугун чыңдоо үчүн Ысык-Көлгө жөнөп кетишти.

Алардын арасында Ош, Чүй, Жалал-Абад облустарынын жана Бишкек шаарындагы медициналык мекемелерде, илдеттин очогунда иштеген дарыгерлер, мээрмандар, техникалык эмгек жамааттын өкүлдөрү жана ыкчам медициналык жардам көрсөтүү кызматкерлери бар.

Медицина кызматкерлеринин бул тобу Ысык-Көлдөгү “Эне Сай” пансионатында эс алышмакчы.