Медицина кызматкерлеринин арасында арыздангандар бар, - Министрлик

Биздин кызматкерлердин арасында коргонуучу каражат, тамак-аш жана башка маселелер менен арыздангандар бар. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова билдирди.

“Соңку учурдагы мамлекетибизде медициналык абал оор. Жай тургундар гана эмес, медиктер да кыйналып жатат. Биздин ак халатчандар болгон күчүн жумшап эмгектенип жатат. Биздин кызматкерлердин арасында коргонуучу каражат, тамак-аш жана башка маселелер менен арыздангандар бар. Медицина кызматкерлери күнүнө үч жолу тамактанып жатат. Бейтаптарды мүнөт сайын кабыл алып, оор кырдаалда иштөөдө. Андыктан кайсыл бир дарыгер, “Тез жардам” кызматкери, айтор кайсы гана медицина кызматкеринен арыз түшпөсүн, биз баарына көңүл бөлүп карап жатабыз”, - деди Акматова.