Бүгүн, 13-августта "Алтын сертификатка" ээ болгон абитуриенттер MegaCom компаниясынын баалуу белектери менен сыйланды.
"Альфа Телеком" ЖАКнын директору Акылбек Жамангуловдун демилгеси менен ЖРТда эң мыкты көрсөткүчкө жеткен 53 мыкты бүтүрүүчүгө VIP сувенирлер топтому тапшырылды.
Мындан тышкары, MegaCom компаниясынан аларга түйүн ичинде бир жылга чейин акысыз баарлашууга мүмкүнчүлүк түзгөн сертификаттар ыйгарылды. Тастыктамаларды тапшыруу аземине Бишкек шаарындагы жана Чүй облусундагы алдыңкы бүтүрүүчүлөр чакырылган.
Белгилей кетсек, буга чейин ушундай эле белектер Ош шаарындагы 12 "алтын сертификат" ээлерине тапшырылган.
Пикирлер (0)
Пикир жок. Сиз биринчилерден болушуңуз мүмкүн