Борбор калаадагы кичи автобустардын айдоочулары кайрадан иш таштаса, анда мэрия Транспорт министрлигине эл ташуучулардын лицензиясын жокко чыгаруу өтүнүчү менен кайрылат. Бул тууралуу шаардык транспорт башкармалыгынын убактылуу башчысы Улан Бейшенбаев брифингде билдирди.
Анын айтымында, Бишкек мэриясы айдоочулар талап кылган жол акыны көтөрүү маселесин кароого даяр эмес. "Бирок ал маселе убагы келгенде каралат" деп Улан Бейшенбаев бир нече жолу кайталап, бирок, бул тууралуу кененирээк сөз кылган жок.
Бейшенбаев транспорттук компаниялардын жетекчилерине эскертүүлөр берилгенин кошумчалады. Ага ылайык, эгерде маршруттук таксилердин айдоочулары ишин токтото турган болсо, анда аларга мыйзам чегинде чаралар көрүлөт. "Элди ташууга лицензияны Транспорт министрлиги берет, биз болсо аны жокко чыгаруу үчүн кайрылабыз", - деди ал.
Пикирлер (0)
Пикир жок. Сиз биринчилерден болушуңуз мүмкүн