Мыктыбек Арстанбек жаңы партия түптөдү

Президенттикке талапкерлердин бири Мыктыбек Арстанбек жаңы партия түптөдү. Бул тууралуу ал өзүнүн социалдык баракчасы  аркылуу билдирди.

"Биз бүгүн "Нур" партиясын түптөдүк. Партияны Юстиция министрлигинен расмий түрдө каттоодон өткөрдүк. Башка дагы "Нур либералдык партия" бар экен. Биздики жөн эле "Нур" партиясы. Биздин партияга кошулууну каалагандарга мамлекеттин өнүгүүсүнө салым кошом дегендерге дайым эшигибиз ачык"- деди Арстанбек.

Эске салсак, 11-январда Мыктыбек Арстанбек шайлоо жыйынтыгына карата пикирин билдирип жаңы партия түзүү ниетин билдирген.