Милиция кызматкерлери тарабынан 13 жаштагы кызды зордуктоо фактысы боюнча Бишкектин Свердлов РИИБнин башчысынын эки орун басарына сөгүш жарыяланды. Бул тууралуу ички иштер министри Улан Ниязбеков маалымат жыйынында билдирди.
Ал райондук милициянын бул аракетин уят деп баалады.
«Укук коргоо органдарынын мындай жаман ишке барышы уят. Бул жерде отурган баарыбыздын эже-карындаштарыбыз, кыздарыбыз бар. Иш сотко өткөрүлдү. Чечимди сот чыгарат. Райондук ички иштер бөлүмүнүн эки орун басарына катуу сөгүш жарыяладык», - деди Улан Ниязбеков.
Эске салсак, бул кылмышка шектелип эки милиция кызматкери, дагы бир шериги – “Дордой” базарынын күзөтчүсү кармалган.
Пикирлер (0)
Пикир жок. Сиз биринчилерден болушуңуз мүмкүн