Энергетика министри Доскул Бекмурзаев жол кырсыгынан каза болгон «Түндүкэлектрдин» кызматкерлеринин жакындарына жана туугандарына көңүл айтты. Бул тууралуу министрликтин басма сөз кызматы билдирди.
«Энергетиктер оор жоготууга учурады. Жол кырсыгынын кесепетинен каза болгон «Түндүкэлектр» ААКтын 3 кызматкеринин жакындарына жана туугандарына Энергетика министрлигинин жана өзүмдүн атымдан терең кайгыруу менен көңүл айтам.
Бул жол кырсыгы ар бир жарандын жүрөгүн жаралап өттү. Кызматтык милдетин так аткарып, кырсыктын кесепетинен каза болгон кызматкерлердин элеси энергетиктердин жүрөгүнүн түпкүрүндө сакталат!»
Пикирлер (0)
Пикир жок. Сиз биринчилерден болушуңуз мүмкүн