Мырза-Аке - Кара-Кулжа жолуна таш кулап, чоң таш жолду тосуп калган (Фото)

Мырза-Аке - Кара-Кулжа - Алайку жолунда таш кулады. Бул тууралуу АКИпресс жазды.

Окуя түнкү саат экилерде 45-чакырымдан 50-чакырымга чейинки аралыкта катуу жааган жамгырдан улам болгон.

Транспорт министрлигинин маалыматы боюнча, таштардын эң чоң көлөмү 50-чакырымга түшүп, жолду 120 куб метр таш тосуп калган.

Бул бөлүмдө унаалардын жүрүүсү убактылуу чектелип, тазалоо иштери жүрүп жатат.