Мобилдик бригадалар күнү-түнү иштөө тартибине өттү. Бул тууралуу Бишкек мэриясынын Саламаттыкты сактоо шаардык башкармалыгынын башчысы Бактыгүл Исмаилова 22-июндагы онлайн брифингде билдирди.
Анын айтымында, июнь айында коронавирус боюнча жарандардын кайрылуусу кескин өстү.
"Ушуга байланыштуу, 21-июнда республикалык штабдын жана Саламаттыкты сактоо министрлигинин чечими менен мобилдик бригадалар күнү-түнү иштөө тартибине өттү. Бүгүнкү күндө 118 ыкчам номери боюнча 14 линия 24 саат бою иштеп кеңеш берүүдө. Мындан сырткары, үй-бүлөлүк медицина борборлорунда ишеним телефондору иштөөдө. Жарандар жашаган жери боюнча ҮМБ кайрылып, кеңеш ала алышат", - деди Б.Исмаилова.
Анын айтымында, колл-борборго кайрылгандардын 50 пайызы медициналык мүнөздө эмес, кеңеш алуу максатында кайрылгандар, бир телефон чалууга кеңеш берүү 15-20 мүнөткө чейин созулат.
Пикирлер (0)
Пикир жок. Сиз биринчилерден болушуңуз мүмкүн