Москвада Россия президенти Владимир Путин, Азербайжан президенти Ильхам Алиев жана Армениянын премьер-министри Никол Пашинян Тоолуу Карабак маселеси боюнча жыйын өткөрүүдө. Бул тууралуу ТАСС басылмасы билдирди.
Бул жолугушуунун демилгечиси Россиянын башчысы Путин.
Кремлдин басма сөз кызматы буга чейин маалымдагандай, тараптар 2020-жылдын 9-ноябрында үч мамлекеттин лидерлеринин Тоолуу Карабак боюнча билдирүүсүнүн аткарылышын карап чыгып, аймактын көйгөйлөрүн чечүү боюнча мындан аркы кадамдарды талкуулоону пландаштырууда. Саясатчылар согуш аракеттеринен жапа чеккен аймактардын жашоочуларына жардам көрсөтүү, ошондой эле соода-экономикалык жана транспорттук байланыштарды бөгөттөн чыгаруу жана өнүктүрүү маселелерине өзгөчө көңүл бурат деп күтүлүүдө.
Бул Путиндин 2021-жылдагы биринчи эл аралык иш-чарасы.
Пикирлер (0)
Пикир жок. Сиз биринчилерден болушуңуз мүмкүн