Нарында жол кырсыгынан 7 адам жабыркады

Нарында жол кырсыгынан 7 адам жабыркады. Бул тууралуу ӨКМнын басма сөз кызматы кабарлады.

Нарын облусунун Кочкор районундагы Сары-Булак-Орук-Там унаа жолунун 23-чакырымында (Лахол айылы) “Subaru Forester” жана “Нива” үлгүсүндөгү унаалары сүзүшкөн. Кырсыктын кесепетинен 7 адам (аты-жөндөрү такталууда) ар кандай жаракаттарды алышкан.

Куткаруучулар жабыркаган жарандарды унаадан чыгарып, тез жардам кызматына өткөрүп беришкен. Куткаруу иштерине Кочкор райондук №42 өрт куткаруу бөлүгүнөн 5 куткаруучу тартылган.