Сузакта окуучуга кол көтөргөн мугалимге эскертүү берилип, жумушка кайтарылды. Бул тууралуу президенттин Жалал-Абаддагы өкүлчүлүгүнүн басма сөз кызматы билдирди.
Сузак райондук билим берүү бөлүмүнүн башчысы Тынычбек Усеновдун айтымында, мектеп жетекчилиги кечээ, 26-май күнү, жазылган арызды артка кайтарып, түшүндүрүү иштери жүргүзүлгөнүн, азыркы учурда дарылануудагы мугалим ишин улантаарын билдирди.
Эскерте кетсек, Жалал-Абад облусунун Сузак районуна караштуу Ж.Бөкөнбаев атындагы орто мектепте 23-майда мгалим менен окуучунун ортосунда жаңжалдын видеосу социалдык тармактарга тарап, кызуу талкууга алынган. Кийин мектептин директору окуучуга туура эмес мамиле кылганы үчүн мугалимди иштеп четтеткенин билдирген.
Пикирлер (0)
Пикир жок. Сиз биринчилерден болушуңуз мүмкүн