Жогорку Кеңештеги "Бүтүн Кыргызстан" фракциясынын депутаты Орозайым Нарматова 14-январда Улуттук коопсуздук комитетине суракка кирди. Мунун алдында ал тергөөчүлөрдүн чакырган себебин билбей турганын айткан, бирок саясий ишмердиги, активист болуп жүргөн учуру менен байланыштырган.
"13-январда Жогорку Кеңеште жыйын болуп жатканда кызматкерлер мага чакыруу берип кетишти, себебин айтышкан жок. Чакырууда дагы жазылбаптыр. Күбө катары чакырышты. Бүгүнкү саат 4кө дешкен, бирок мен "макулдашып алып барабыз" дегем. Себеби, бүгүн бизде фракциянын жыйыны болмок. Бирок менин депутаттык макамыма ылайык, алар менин иш бөлмөмө келип сурап деле алышса болмок",-деди депутат.
Атайын кызмат буга байланыштуу азырынча комментарий бере элек.
Булак: "Азаттык" үналгысы
Пикирлер (0)
Пикир жок. Сиз биринчилерден болушуңуз мүмкүн