РФнын мамлекеттик Думасынын вице-спикери Игорь Лебедев Кыргызстанда орус тилинин расмий тил макамы боюнча айтылган пикирге коментарий берди. Бул тууралуу lenta.ru басылмасы жазып чыкты.
Депутат "Кыргызстандын мындай аракетине таптакыр таң калган жокмун. Мурунку СССРга мүчө болгон көпчүлүк өлкөлөр буга чейин эле муну жасаган. Мурунку советтик республикалардын баарынын Россиядан алыстагандыгы жыл сайын көбүрөөк байкалууда",- деди.
Лебедевдин айтымында, мунурку совет өлкөлөрү акырындан Европаны карай бет алган. Ошондуктан мындай тенденция мыйзам ченемдүү көрүнүш.
"Эгер орус тили расмий тил болуудан калса, биз Кыргызстанда жашаган орус улутундагы жарандарга Россияда жашоону сунуш кылабыз. Аларга жарандык берүү маселесин карап, жардам беришибиз керек",- дейт депутат.
Пикирлер (1)