Ош облусунда күчү 4 баллга жеткен жер титирөө катталды

Ош облусунун аймагында жер титирөө катталды. Бул тууралуу ӨКМдин басма сөз кызматы билдирди. 

Сейсмология институтунун маалыматына караганда, жер титирөө бүгүн, 28-сентябрь күнү саат 02:32де катталып, очогунда күчү 4 баллга жеткен.

Жердин силкинүүсү Алай районундагы Ачык-Суу, Жайылма, Кашка-Суу айылдарында 3 баллга чейин сезилген. Жер титирөөдөн жабыркагандар жана кыйроолор жок.