Ош шаарында сел жүрүп, 420дан ашык адам эвакуацияланды

Бүгүн саат 14:00 чамасында Ош шаарынын Төлөйкөн айылында жана Озгур айылынын Борубай-Ата эс алуучу жайында сел жүргөн.

Анын кесепетинен Өзгөчө кырдаалдар министрлигинин куткаруучулары 420дан ашык адамды коопсуз жайга эвакуациялап, Ош – Гүлчө – Эркечтам унаа жолу убактылуу жабылган.

Учурда Төлөйкөн айылындагы Борубай-Ата эс алуучу жайында жана борбордук базарда куткаруучулар күчөтүлгөн тартипте иштеп жатышат.