Ошто №59 лицейди оорукана кылып оңдоо иштери 80 пайызга аткарылды

Ош облусунун Кара-Суу районундагы кесиптик-техникалык лицейдин 150 койка орундуу инфекциялык ооруканага кайра профилдештирүүсү 80%га аткарылды. Бул тууралуу республикалык штабдан билдиришти. 

Маалыматка караганда, бүгүнкү күнгө, имараттын жана от жагуучу бөлмөсүнүн чатырын демонтаждоо иштери, терезе блокторун орнотуусу, тышкы аба жылытуу системасы 100%га аяктап жана от жагуучу эки казан орнотулган. 

Ошондой эле имараттын чатырынын 30%га  жана бөлмөлөрдүн 1, 2, 3-кабаттарында жасалгалоо иштери 80%га аткарылды. Учурда, ички желдетүү, фасаддын штукатуркасы  жана скважиналарды бургулоо боюнча иштер башталды. Объектте 70 адам иштейт.