Ош ШИИБ кримтөбөл "Акбала" аттуу уюшкан кылмыштуу топтун мүчөсүн кармады. Бул тууралуу аталган мекеменин басма сөз кызматы кабарлаган.
Маалыматка ылайык, 20-январь күнү жолдошунан токмок жеген аял милицияга арыз менен кайрылган. Аял соттук-медициналык экспертизадан өткөрүлүп, кичинекей жаракат алганы далилденген.
Ыкчам-тергөө тобунун кызматкерлери тарабынан 1982-жылы туулган Д.А.аттуу жаран кармалып,убактылуу жайга киргизилген.
Кармалган Д.Ага буга чейин бир топ жолу тоноочулук, баңгизат алып жүрүү фактысы боюнча кылмыш иши козголгон.
Мындан сырткары, ал "Акбала" аты менен уюшкан кылмыштуу топтун мүчөсү болгон.
Пикирлер (0)
Пикир жок. Сиз биринчилерден болушуңуз мүмкүн