Ош облустар аралык бириккен ооруканасына күйдүргү жарасына шектелип жаткырылган Ош облусунун Тогуз-Булак айылынын тургундары канааттандыраарлык абалда ооруканадан чыгарылды. Бул тууралуу Саламаттыкты сактоо министрлигинин басма сөз кызматы билдирди.
Маалыматка караганда, ооруканага жаткырылган 8 бейтаптын ичинен күйдүргү жарасы бир адамда тастыкталып, калгандарынын лабораториялык изилдөөлөрүнүн жыйынтыктары терс болуп чыкты.
"Аталган айылдын 288 жашоочусу 24-августка чейин адистердин көзөмөлүндө болушмакчы, алардын бардыгында оорунун белгилери жок. Эпидемияга каршы иш-чаралар улантылууда", - деп айтылат маалыматта.
Буга чейин Ош облустук бириккен ооруканасына күйдүргү жарасына (теринин формасы) шектелип, 8 адам жаткырылгандыгы маалымдалган.
Пикирлер (0)
Пикир жок. Сиз биринчилерден болушуңуз мүмкүн