Ошто өз атасын өлтүрүп, качып кетүүгө аракет кылган жаран кармалды (фото)

Ошто эркек киши атасын өлтүрдү. Бул тууралуу 24.kg агенттиги өздүк булактарга таянуу менен жазып чыкты.

Маалыматка ылайык, окуя Амир-Темур кичи районунда болгон.

«Кылмыш жасагандан кийин шектүү документтерди алып, такси менен качууга аракет кылган. Ал камакка алынды», - деп билдиришти шаардык ички иштер башкармалыгынан.

Ведомстводон билдиришкендей, адам өлтүрүү ата менен баланын ортосундагы чырдын негизинде келип чыккан.

«Маркум 68 жашта болгон. Алар бир короодо жашашчу. 14-августта уулу атасы менен уруша кетип, андан кийин бычак алып, бир нече жолу бычак менен сайып салган. Аталган факты боюнча кылмыш иши козголду», - деп билдиришти мекемеден.