Бишкектеги Панфилов сейил багындагы аттракциондон кулаган 19 жаштагы кыздын абалында жылыш бар. Бул тууралуу Тез жардам клиникалык ооруканасынын башкы дарыгери Алмаз Кубатбеков билдирди.
Анын айтымында, бүгүн бейтапты нейротравма бөлүмүнө которушту.
“Кыздын баш мээси жабыркаган, сыныктар да бар. Анын абалында жылыштар болгондуктан, бүгүн нейротравма бөлүмүнө которулду”, -деди Кубатбеков.
Эске салсак, 31-мартта Панфилов сейил багында кыз аттракциондон кулап түшкөн. Учурда милиция иликтөө иштерин жүргүзүүдө. Кырсыкка коопсуздук курунун үзүлүп кеткени себеп болгондугу айтылды. Окуядан кийин кооптуу аттракциондун иши токтотулду. Министрлер кабинети тиешелүү мамлекеттик органдарды кооптуу аттракциондорду жабуу керектигин тапшырды.
Пикирлер (0)
Пикир жок. Сиз биринчилерден болушуңуз мүмкүн