Панфилов районунда укук коргоо органынын кызматкерине кол салган шектүүлөр кармалды. Бул тууралуу Чүй облусунун Ички иштер башкы башкармалыгынын басма сөз кызматы билдирди.
Белгиленгендей, 16-февралда саат 04:50 чамасында Панфилов райондук ички иштер бөлүмүнүн нөөмөт бөлүмүнө Чалдовар - Автодорожный постунда милиция кызматкерлерине кол салуу болгондугу жөнүндө билдирүү түшкөн.
Окуя болгон жерге жөнөп кеткен ыкчам кызматкерлер 16-февраль күнү саат төрттөр чамасында үч белгисиз адам эч себепсиз алкоголдук мас абалында Чалдыбар айылындагы өткөрүү пунктунун жанында коомдук тартипти кайтарып турушкан милиция кызматкерлерине кайрылышып, алардын бирин сабаган.
Ыкчам иш-чаралардын жүрүшүндө, Панфилов райондук ички иштер башкармалыгынын кызматкерлери тарабынан 18-февралда полиция кызматкерин сабаган 2000-жылы туулган К.Н., кармалгандыгын билдирди.
Ал убактылуу кармоочу жайга киргизилген.
Мындан тышкары, калган кол салуучулардын өздүгү аныкталды - 1999-жылы туулган Т.А жана К.А., алар менен тергөө иш-чаралары жүргүзүлүүдө.
Керектүү экспертизалар дайындалды. Сотко чейинки процесстер уланууда.
Пикирлер (0)
Пикир жок. Сиз биринчилерден болушуңуз мүмкүн