Жогорку Кеңештин жыйынында Сеидбек Атамбаев экс-президент Сооронбай Жээнбековдун ишин текшерүү боюнча комиссия түзүүнү сунуштады.
Конституциялык соттун судьялыгына талапкерлигин кароодо эл өкүлү Фемиданын кызматчыларына ишенбей турганын билдирди. Ал белгилегендей, адамга Кудайдан үч кесип – мугалим, соттор жана дарыгер берилет.
"Конституциялык соттун мыйзамдын артка күчү жок деген чечими бар. Бул принцип боюнча, анда экс-президент Алмазбек Атамбаевге “экс” макамын кайтарып, мындай чечим чыгарган сотторду жазалоо керек. Карыбек Дүйшеев (Конституциялык соттун экс-төрагасы) азыр кайда? Эгерде мыйзам артка карай күчкө ээ болсо, анда Сооронбай Жээнбековду артыкчылыктардан ажыратуу керек. Эгер эл мамлекет башчысын кызматтан кетирсе, анда кылмыш ишин козгоо зарыл. 2020-жылы митингде, пандемия учурунда канча адам жабыр тартты?! Эч ким компенсация алган жок. Жээнбековдун кадрлары жооп бериши керек. Келгиле, коллегалар, комиссия түзөлү. Буга саясий баа берүү керек”, - деди Сеидбек Атамбаев.
Пикирлер (3)