Парламенттик шайлоо качан өтөрү айтылды

Борбордук шайлоо комиссиясынын мүчөсү Кайрат Осмоналиев парламенттик шайлоо качан болору тууралуу айтты. 

Шайлоо комиссиясынын мүчөсү Кайрат Осмоналиев журналисттерге Конституциялык палата “Реформа” партиясынын лидери Клара Сооронкулованын, адвокаттар Таалайбек Усубалиевдин жана Нурбек Касымбековдун пайдасына чечим чыгарып, кайра шайлоону кийинкиге жылдырууну мыйзамсыз деп тапса, БШК шайлоону кайрадан жаңы күнгө дайындай турганын билдирди.

“Мыйзамга ылайык, добуш берүү күнү февраль айынын биринчи жекшембисине туура келет” – деди ал.

Кайрат Осмоналиев Конституциялык палатанын чечимин жокко чыгарууга сот дагы, Жогорку Кеңеш дагы укуктуу эместигин эске салды.