"Бир Бол" саясий партиясынын лидери Алтынбек Сулайманов “Бир Бол” парламенттик фракциясынын депутаты Алмазбек Акматовдун үй-бүлөсүнө жана жакындарына терең кайгыруу менен көңүл айтарын билдирди.
"Кыргыз Республикасынын Жогорку Кеӊешинин “Бир Бол” парламенттик фракциясынын депутаты Акматов Алмазбек Жумабекович 2021-жылдын 28-февралында 56 жашында дүйнө салды.
Алмазбек Жумабекович Жогорку Кеңештин мыйзам чыгаруу ишмердүүлүгүнө активдүү катышып, калктын социалдык жана экономикалык маселелерин чечүүгө бардык күч-аракетин жумшап, шайлоочулар менен тыгыз иш алып барып келген.
Акматов Алмазбек Жумабековичтин үй-бүлөсүнө жана жакындарына терең кайгыруу менен көңүл айтам. Маркумдун жаткан жери жайлуу, топурагы торко болсун! Алмазбек Жумабековичтин жаркын элеси кыргыз элинин жүрөгүндө бекем сакталат", - дейт Сулайманов.
Пикирлер (0)
Пикир жок. Сиз биринчилерден болушуңуз мүмкүн