Премьер-министр Кубатбек Боронов добуш берди

Бүгүн, 4-октябрда премьер-министр Кубатбек Боронов Бишкек шаарындагы №62 мектеп-гимназиясында жайгашкан шайлоо тилкесинде добуш берди.

Кубатбек Боронов беткап, кол кап тагынып, добуш берүү кабинасына бет алды.

Кыргызстанда парламенттик шайлоо өтүп жатат. Ага 16 саясий партия ат салышууда.

Шайлоого карата жалпы 2 миң 475 шайлоо тилкеси даярдалып, анын ичинде чет мамлекеттерде 45 шайлоо тилкеси ачылган. Шайлоочулардын тизмесине 3 млн 523 миң 532 киши киргизилген.