Президент Садыр Жапаров Ташиевдердин үй-бүлөсү мунай базасын сатып, акчасына Сузакта Эне жана баланы коргоо борборун салып бергенин айтты.
Мамлекет башчы кечээ эки күндүк иш сапары менен Жалал-Абадга барып, анын жүрүшүндө медициналык борбордун ачылышына катышкан. Аталган оорукана 570 миллион сомго курулганы айтылды.
Президент Кыргызстандан тапканын чет жакка ташып чыгып, завод-фабрика, бизнес ачып, өлкөгө келе албай жаткан ишкерлер бар экенин белгилеген.
"Ошолордой болбостон Ташиевдердин үй-бүлөсү мунай базасын сатып, акчасына төрөт үйүн салып, мамлекетке өткөрүп берүүдө. Бул башкаларга үлгү болушу керек", — деди Жапаров.
Алийма Ташиева атындагы Эне жана баланы коргоо борборунун курулушу 2023-жылы башталган. 75 орундуу төрөт бөлүмү, 75 орундуу балдар ооруканасы үч гектар жерге курулган.
Пикирлер (0)
Пикир жок. Сиз биринчилерден болушуңуз мүмкүн