Бүгүн, 9-мартта Жогорку Кеңештин жыйынында президент Садыр Жапаров кайрылуу жасады.
Президенттин айтымында, Министрлер кабинети азыркы учурда антикризистик программа үстүндө иштеп жатат.
"Бүгүнкү күндө дүйнөдөгү кырдаалга байланыштуу Министрлер кабинети антикризистик программа иштеп жатат. Аны дагы сиздердин кароонуздарга алып келебиз. Сиздердин дагы ага кошумчалай турган сунушуңуздар болот.
Бүгүн Кумтөр боюнча келишимди колдоп бергениңиздерге да ыраазычылык билдирем",- деди президент.
Эске салсак, президенттин Жогорку Кеңештеги өкүлү Алмасбек Абытов "Центерра" менен мамилени өз алдынча жөнгө салуу максатында келишим түзүлгөнүн билдирген. Келишим президент Садыр Жапаровдун катышуусунда жабык эшик артында каралды.
Пикирлер (1)