Бүгүн президент Садыр Жапаров Республикалык клиналык жугуштуу оорулар ооруканасына барды. Социалдык тармактын колдонуучулары президент коронавирус менен ооруп айыккан болсо, эмне үчүн коргоочу костюм кийет деп талкуулаган. Буга байланыштуу жугуштуу оорулар ооруканасынын жетекчиси "Кактус.медиага" түшүндүрмө берген.
Анын айтымында, ооруканага кирген ар бир адам коргоочу костюм кийүүгө милдеттүү.
"Ооруканага кирген адам коронавирус менен мурда ооруган болсо да, болбосо да коргоочу кийим кийүүгө милдеттүү. Бул оорукананын шарты ушундай. Дүйнөнүн бардык мамлекеттеринде инфекциялык ооруканага коргоочу костюм менен киргизет. Биз деле коронавирус менен ооруп айыкканбыз. Эпидемиологиялык-санитардык норма ушундай"- деген оорукана жетекчиси.
Пикирлер (0)
Пикир жок. Сиз биринчилерден болушуңуз мүмкүн