Түп районунун Кең-Суу айылында Түгөлбай Сыдыкбеков атындагы мектептин эски имараты капиталдык оңдоодон өткөрүлөт. Бул тууралуу мамлекеттик сатып алуулар порталы билдирет.
Анын айтымында, тендерди Мамкурулушка караштуу Курулуш жана инженердик инфраструктура департаментинин Ысык-Көл облустук башкармалыгы жарыялаган. Бул максаттарга 45 миллион 184 миң 342 сом сарптоо пландалууда.
Белгиленгендей, бардык иштер окуу жылы башталганга чейин бүткөрүлүшү керек.
Ачык булактардын айтымында, имарат 1968-жылы курулган. Бул мектепте президент Садыр Жапаров билим алган.
Буга чейин аталган айылда 525 окуучу орундуу билим берүү мекемесинин жаңы имаратынын курулушу башталганы маалымдалган.
Пикирлер (0)
Пикир жок. Сиз биринчилерден болушуңуз мүмкүн