Президенттин администрациясынын коллегиясында министрликтердин ишмердүүлүгүнө баа берилди

Президенттин администрациясынын коллегиясынын жыйынында 2023-жылга министрлер кабинетинин Иш-чаралар планынын аткарылышынын жыйынтыктары каралды.

Президенттин администрациясынын саясий жана экономикалык изилдөөлөр бөлүмүнүн башчысы Бакыт Сыдыков белгилегендей, министрлер кабинетинин иш-чаралар планына 554 иш-чара киргизилген, анын ичинен жети иш-чара 2024-жылга жылдырылды.

547 иш-чаранын ичинен:

• 430 (79%) аткарылды,
• 117 (21%) аткарылган жок.

16 мамлекеттик орган "эң жакшы", 15 "жакшы", бир "канааттандырарлык" жана бир "канааттандырарлык эмес" деген баа алган.

►"Эң жакшы" деген баа алган мамлекеттик органдардын үчилтиги:

• Ички иштер министрлиги,
• Улуттук статистикалык комитети,
• Интеллектуалдык менчик жана инновациялар боюнча мамлекеттик агенттиги.

►"Жакшы" деген баа алган мамлекеттик органдардын ичинен биринчи үч орунду:

• Саламаттык сактоо министрлиги,
• Суу ресурстары, айыл чарба жана кайра иштетүү өнөр жай министрлиги
• Президенттин Чүй облусундагы ыйгарым укуктуу өкүлчүлүгү,
• Экономика жана коммерция министрлиги ээледи.

Ал эми Коргоо министрлигине “канааттандырарлык”, Улуттук инвестиция агенттигине “канааттандырарлык эмес” деген баа берилди.