Президенттин уулу саясатка аралашып жатат деген маалымат боюнча түшүндүрмө

Президент Садыр Жапаровдун бир да жакын тууганы саясий иштерге аралашпайт. Бул тууралуу президенттик Администрациянын маалымат саясат бөлүмү билдирди.

Президенттин Администрациясы депутаттын айткандарын төгүндөдү.

"Президент Садыр Жапаров жакындарын саясатка аралаштырбоо боюнча өзүнүн позициясын өзгөртпөйт. Өлкө башчысы буга чейин бир нече жолу белгилегендей, өзүнүн жакындарын саясатка жана чоң кызматтарга аралаштырбайт",- деп билдирүү таратты президенттин Администрациясы.

Буга чейин депутат Дастан Бекешев президент Садыр Жапаровдун уулу Рустам шайлоого аралашып жатканын айтып чыккан.