Кара-Кулжа районунун Кара-Кулжа айылында таза суу тартыш болууда. Бул тууралуу жергиликтүү тургундар билдиришти.
Алардын айтымында, таза суу маселеси көп жылдан бери чечилбей келет. Алар 3 жыл мурун каражат чогултуп, 800 метр суу түтүгүн тартып, колонка орнотушкан. Бирок андан суу чыкпай койгон.
Ошондой эле суу чыгаруу үчүн суу колонкалары коюлганын, бирок суу чыкпагандыктан коңшу жайгашкан Телман, ДЭУ айылдарынан суу ташып келүүгө аргасыз болуп жатышат.
"Бул маселе боюнча өкмөткө, акимге кайрылдык, бирок жыйынтык болгон жок. Ал эми каналдагы сууну ичкенде жаш балдар дизентерия (инфекциялык оору) болуп ооруп жатышат", - дешет алар.
Белгилей кетсек, Кара-Кулжа айылында 2 миң 635 түтүндө 15 миң 486 адам жашайт.
Пикирлер (0)
Пикир жок. Сиз биринчилерден болушуңуз мүмкүн