Прокурордун жардамчысы кылмыш ишин оң жагына чечип берүү үчүн 450 миң сом пара алып жаткан жеринен кармалды

Бишкекте прокурордун улук жардамчысы пара алып жаткан жеринен кармалды, деп билдирет Башкы прокуратуранын маалымат кызматы.

Маалыматка ылайык, бүгүн, 19-апрелде саат 18:40 чамасында Башкы прокуратурасы тарабынан Улуттук коопсуздук мамлекеттик комитетинин ыкчам коштоосунда Бишкек шаарынын Свердлов районунун прокурорунун улук жардамчысы Б.А. арыз ээсине карата кылмыш иштери боюнча маселелерди оң чечкендиги үчүн 450 миң сом өлчөмүндө пара алып жаткан жеринен кармалды.