Социалдык тармактарга тараган «Радуга» пансионатынын жээгиндеги мушташ тартылган видео боюнча иликтөө иштери жүрүп жатканын Ысык-Көл облусунун ички иштер башкармалыгы билдирди.
29-июнь күнү саат 12:50 чамасында Ысык-Көл РИИБнин нөөмөт бөлүмүнө Сары-Ой айылындагы «Радуга» пансионатынын пляжында мушташып жаткандыгы тууралуу телефонограмма келип түшкөн.
Бул билдирүү катталып, туристтик сезондо коомдук коопсуздукту камсыздоого тартылган ыкчам-тергөө тобу жана милициянын мобилдүү отряддары дароо ошол жерге жөнөп кетишкен. Натыйжада 18 адам кармалган.
Учурда милиция кызматкерлери окуя болгон жерде болуп, ыкчам-иликтөө иш-чараларын жүргүзүп жатышат – массалык мушташтын катышуучуларынын өздүгү такталып, андан ары иликтөө үчүн Ысык-Көл райондук ички иштер бөлүмүнө өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн