Бир суткада коронавирустан 6 бейтап каза болду. Жалпы саны - 122

Бир сутка ичинде коронавирус инфекциясынан республика аймагында 6 бейтап каза болду. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова брифингде билдирди.

Маалыматка ылайык, каза болгондордо коронаврус инфекциясынан сырткары өнөкөт оорулары да болгон.

Каза болгондор:

1. Кыргыз-Түрк достук ооруканасынан – 1 (эркек, 90 жашта);
2. Жайыл аймактык ооруканасынан – 2 (аялдар – 70, 69 жашта);
3. Жалал-Абад облустук ооруканасынан – 2 (эркектер – 49, 53 жашта);
4. Нарын облустук ооруканасынан – 1 (аял, 61 жашта).

Жалпы каза болгондордун саны 122 кишини түздү.