Бишкек шаарындагы Республикалык клиникалык жугуштуу оорулар ооруканасында карантиндик режим алынып, бейтаптарды кабыл алып башташты. Бул тууралуу республикалык ыкчам штабдан билдиришти.
Маалыматка караганда, мындай чечим өлкөдөгү COVID-19 боюнча эпидемиологиялык абалды эске алуу менен калкка өз убагында сапаттуу медициналык жардам көрсөтүү максатында кабыл алынган.
«12-сентябрдан баштап аталган оорукана инфекциялык көзөмөлдү жана эпидемияга каршы иш-чараларды катуу сактоо менен өзүнүн профили боюнча бейтаптарды дарылоону баштады.
Этиологиясы белгисиз болгон пневмония жана коронавирустук инфекция менен келген бейтаптар, анын ичинде балдар дагы Кыргыз-Түрк достук ооруканасына жаткырылат», - деп айтылат билдирүүдө.
Пикирлер (0)
Пикир жок. Сиз биринчилерден болушуңуз мүмкүн